آنا یوردوم

گونلر وار که  قلبیم پیس توتولور... بیوک ننمه، آتاما... تورکی دانوشماقا.....

آنا دیلیمه، آتا یرلریمیزه، تورک لرین عزاداریقونا، توی لارونا، تورکی اویناماقا، اوخوماقا، حیدربابانون کتابونا اورییم تنگ اولور...

تورکی دانوشماقوم یاخچی دییر، تهران دا دونیا گلمی شم ، بویولموشام، اما هر دن آنا یوردومی ایستیرم...

یایون آخیرلاریدی ،77ایلی، آتام،آنام، من، باجیم گتمیشدیک آذربایجانا... کهلیک، داغلار، آغلاقان،ساوالان،شیخ صفی، قره حلوا،فطیر،ساوالان بالی،گامیش گلی،گردنه حیرانا،...           یادومنان چوخماز. سوراکی ایلی دای آتام ماشین دالوندا اوتورا بیلمدی....

---

حیدربابا ، یولوم سنن کج اولدی
عمروم کچدی گلممه دیم گج اولدی
هئچ بیلمه دیم گوزللرون نج اولدی
بیلمزایدیم دُنگه لر وار ، دونوم وار
ایتگین لیک وار ، آیرلیق وار ، ئولوم وار


حیدربابا ، گون دالوی داغلاسین
یوزون گولسون ، بولاخلارون آغلاسین
اوشاخلارون بیر دسته گل باغلاسین
یئل گلنده ور گتیرسین بویانا
بلکه منیم یاتمیش بختیم اویانا

---

گئدین دئیین خان چوبانا      گلمه‌سین بوایل موغانا      
گلسه باتار ناحق قانا          آپاردی سئللر سارانی         بیر آلا گؤزلو بالانی             

آرپا چایی درین اولماز            آخار سویو سرین اولماز        
سارا کیمی گلین اولماز        آپاردی سئللر سارانی        بیر آلا گؤزلو بالانی             

آرپا چایی آشدی داشدی            سئل سارانی قاپدی قاچدی          
هر گؤره‌نین گؤزو یاشدی                آپاردی سئللر سارانی                  بیر اوجا بویلی بالانی                       

 

سوراداکی سوز: بو یازموش متنی ترانسلیت المیجیم... سوروشمیوز.

سوراکی ایکیمچی سوز: حیدر منیم آتاموندا آدیدی... حیدر بابانی بونا خاطیر چوخ ایسترم...